MegaTokyo - relaxa, nos t3 comprende - E3 — Le exita IonStorm

  • English
  • Deutsch
  • Italiano
  • Français
  • Nederlands
  • Suomi
  • Polski
  • Norsk
  • Interlingua
  • Srpski
  • Español
  • Português (Brasil)

“E3 — Le exita IonStorm”
pagina #6: E3 — Le exita IonStorm

storyboard

clicca pro expander ==== panello #1
Piro: Tu pensa de facto que illes va creder que nos travalia pro IonStorm?
Largo: In vista de lor taxa de giro de empleatos, es possibile!
==== panello #2
Largo: Eh, hallo. Nos es de IonStorm. Ubi nos obtene nostre insignias?
Personal del E3: IonStorm? Si, nos vos attendeva. Accompania me.
==== panello #3
Piro: Io te diceva que illo non functionarea.
==== panello #4
Largo: Uau. Es John Romero. Es possibile que illo ha functionate.
Piro: Hm... Ille tamben non travalia pro illes, Largo.
John Romero: Vos pote prestar me alcun moneta usque io me recupera?

console

<ensjo_ia>

“Presentante MegaTokyo”

Monday 2004-01-12

Pro vos que non cognosce MegaTokyo, aqui va alcun parolas de presentation.

Le protagonistas es duo americanos ("Piro" e "Largo") fanatic pro videojocos qui va a Japon, guasta tote lor moneta in jocos e cosas affin, e resta sin poter retornar a casa.

Le formato initial de MegaTokyo, a quatro panellos, non permitte un narration multo elaborate. Es basicamente episodios rapide con un conclusion humoristic. Mais si iste formato non te agrada multo, vale le pena continuar a leger. Alcun tempore depost le autor adopta un formato libere con le dimension de un pagina, e le narrativa deveni plus interessante.

Circa le personage Piro se disveloppa le latere romantic del historia. Circa Largo... Ben, io non va ruinar le surprisa. MegaTokyo es tote un mundo a esser discoperite. Solmente sia caute, proque personas innocente non determinate pote finder tu capite e suger tu cerebro! Buah-ha-ha-ha-ha!

Le mal... es troppo...

<ensjo_ia>

“John Romero”

Tuesday 2004-01-13

John Romero es, conjunctemente con John Carmack, le co-autor de jocos que marcava lor geration, a saper "Doom" e "Quake" (e lor sequentias, usque "Quake II" per Romero).

Post illo, fornite de un belle conto bancari e de un ego plus tosto grande, un die ille se retira de "ID software" pro co-fundar "IonStorm" e lancear le promotion de lo que secundo ille devenirea le joco de referentia del proxime seculo, a saper, "Daikatana".

Post tres annos e medie de attender e milliones de dollares investite in le projecto, "Daikatana" esseva lanceate alcun menses ante le E3 in le qual Piro e Largo se trova, e illo non satisfaceva le expectationes.

John Romero finalmente esseva dimittite de "IonStorm".